ԵՐԵՎԱՆ, 6 նոյեմբերի — Sputnik. «Բելավիան» նախատեսում է 2017թ-ի հունիսին վերսկսել Մինսկ-Երևան չվերթը: Այս մասին գրում է ԲԵԼՏԱ-ն՝ հղում անելով «Բելավիա» ավիաընկերություն» ԲԲԸ-ի գլխավոր տնօրեն Անատոլի Գուսարովին:
«Հուսով եմ, որ Բելառուսի և Հայաստանի միջև ուղևորափոխադրումների պահանջարկի անկումը ժամանակավոր է: Մենք ծրագրում ենք վերականգնել այդ չվերթը 2017թ-ի հունիսին»,- ասել է Գուսարովը՝ մեկնաբանելով Մինսկ-Երևան չվերթի վերականգնման հնարավորությունը:
«Բելավիան» Բելառուսի խոշորագույն ավիափոխադրողն է: Ընկերությունը կանոնավոր չվերթեր է իրականացնում դեպի Եվրոպայի և Ասիայի 28 երկրի 47 օդանավակայան:
