Արզաքանյանի խոսքով` ՄԻԱՎ-ի տարածումը կանխելու համար պետք է հասկանալ, թե ամեն երկրում ինչպես է զարգանում համաճարակը։ Այս հարցում ամեն երկիր իր առանձնահատկություններն ունի։ Հայաստանի առանձնահատկություններից մեկն այն է, որ արձանագրված դեպքերի ավելի քան 50 տոկոսը վարակվել է Ռուսաստանում` հիմնականում աշխատանքային միգրացիայով պայմանավորած։
«Գնում են Ռուսաստան, այնտեղ սեռական հարաբերություններ ունենում կամ թմրամիջոցներ օգտագործում, հետո վերադառնում են Հայաստան»,- ասաց նա` նշելով, որ կանխարգելիչ ծրագրի ուղղությունը պետք է լինի միգրանտների շրջանում իրազեկման բարձրացումը։
Այսօր Հայաստանի ավելի քան 100 գյուղում կանխարգելիչ միջոցառումներ են իրականացվում հենց միգրանտների շրջանում։ Մասնագետներն այցելում են համայնքներ և, ներգրավելով տեղի բուժաշխատողներին, տրամադրում են ՄԻԱՎ-ի վերաբերյալ խորհրդակցություն և անցկացնում են հետազոտություն։
