Դավիթ Բաբայան. պատմության մեջ չկա որևէ նախադեպ, երբ ագրեսորը պատրաստվում է երկարատև պատերազմի
Ըստ նրա, հնարավոր ռազմական առճակատման մասին խոսակցություններն ուղղակի շահարկումներ են, որովհետև հակառակորդը չի նախաձեռնի երկարատև պատերազմ, որի ելքն ընդհանրապես անկախատեսելի է։
Դավիթ Բաբայանի խոսքով, Ադրբեջանը մինչև ապրիլյան պատերազմը, կարծես թե, թերագնահատել է մեզ և գերագնահատել իր սեփական ուժերը։ «Նրա մոտ տպավորություն է ստեղծվել, որ բլից-կրիկում կարող է պարզապես ջախջախել Արցախը։ Բայց չստացվեց, իրենց մոտ կրկին չստացվեց»,-ասաց Դավիթ Բաբայանը։
ԼՂՀ նախագահի մամուլի խոսնակը նկատեց, որ, այնուամենայնիվ, մենք միշտ պիտի պատրաստ լինենք ցանկացած զարգացման, և բանակը պատրաստ է։ Նրա խոսքով, այդպես են խաղաղությունը պահպանում, ուրիշ տարբերակ չկա։
