ԵՐԵՎԱՆ, 3 նոյեմբերի — Sputnik. ՀՀ վարչապետ Կարեն Կարապետյանը կառավարության այսօրվա նիստում տեղական ինքնակառավարման մարմիններին հանձնարարեց պատշաճ հսկողության իրականացնել 18 տարին չլրացած անձանց ծխախոտ և ալկոհոլային խմիչքներ վաճառելու հարցում:
«Գործող օրենսդրությամբ այս հարցը վերահսկում են տեղական ինքնակառավարման մարմինները, որոնք լիազորված են վարչական տույժեր կատարել 18 տարին չլրացած անձանց ծխախոտ և ալկոհոլային խմիչքներ վաճառելու դեպքում: Տեղական ինքնակառավարման մարմիններին առաջարկում ենք պատշաճ հսկողություն իրականացնել խնդրի նկատմամբ: Այս առումով անհրաժեշտ է նաև ուշադրություն դարձնել տարբեր սրճարաններին, ակումբներին և զվարճանքի այլ վայրերին»,-ասաց վարչապետը:
Կարապետյանը նշեց, որ կարևոր է պարզել, թե գիշերային ակումբներում անչափահասների նկատմամբ առկա սահամանափակումները կիրառվում են թե ոչ։
