ԵՐԵՎԱՆ, 3 նոյեմբերի-Sputnik. Մշակույթի, արտակարգ իրավիճակների, սպորտի և երիտասարդության նախարարները կառավարությանը ներկայացրին ԾԻԳ-երի գործունեությունը դադարեցնելու մասին որոշման նախագծեր:
Օրինակ՝ սպորտի և երիտասարդության նախարար Հրաչյա Ռոստոմյանն ընդգծեց, որ այս կրճատման հաշվին կտնտեսվի 61 միլիոն դրամ:
Վարչապետը հավանություն տվեց այդ նախագծերին և շեշտեց. «Սա ինձ դուր է գալիս»:
Կառավարության մեկ այլ որոշմամբ լուծարվեց Էներգետիկ ենթակառուցվածքների և բնական պաշարների նախարարության ենթակայության տակ գործող «Արփա-Սևան թունելի վերականգնման ծրագրերի իրականացման գրասենյակը»:
