ԵՐԵՎԱՆ, 2 նոյեմբերի — Sputnik. Օպերատիվ ծառայությունները չորեքշաբթի առավոտյան ավարտել են «Ռոսիա սեգոդնյա» միջազգային լրատվական գործակալության շենքում ռումբի մասին անանուն զանգի ստուգումը, պայթուցիկ սարք չի գտնվել, շենքի մուտքը կրկին բաց է։
Ինչպես հաղորդվել է, աավոտյան «02»-ի հեռախոսին անանուն զանգ է ստացվել Զուբովյան բուլվար 4 հասցեում պայթյունի սպառնալիքի մասին։ Նախնական տվյալներով` զանգել է կին, նրա անձը հաստատվում է։
Զանգից հետո շենքի մոտ հավաքվել են հրշեջ ծառայության և ոստիկանության մի քանի մեքենաներ, կենտրոնական մուտքը հսկել են օպերատիվ ծառայությունների աշխատակիցները։ Այժմ արտակարգ ծառայությունների մեքենաները սկսել են հեռանալ։
