Վարդան Արզաքանյան. ՄԻԱՎ-ի հայտնաբերման ինչպիսի՞ ցուցանիշների դեպքում է համաճարակ հայտարարվում
Նրա խոսքով` ՄԻԱՎ-ը որոշակի առանձնահատկություններ ունի համաճարակի տեսակետից, եթե շատ այլ ինֆեկցիաների դեպքում համաճարակային շեմ կա, ապա ՄԻԱՎ-ի դեպքում այդ շեմը փոքր-ինչ հարաբերական է։
«Ընդհանրապես համաճարակը զարգացման փուլերով է գնահատվում, և այն դեպքերում, երբ ազգաբնակչության շրջանում ՄԻԱՎ-ի տարածվածությունը մեկ տոկոսից շատ է, այդ դեպքում ասում են, որ երկիրը կամ կոնկրետ երկրի մի տարածք գտնվում է համաճարակի զարգացման «երրորդ տարածում» փուլում, որը նշվել է Եկատերինբուրգում»,- ասում է Արզաքանյանը և ավելացնում` ընդհանուր առմամբ, եթե մեկ դեպք էլ կա երկրում, արդեն համարվում է, որ երկրում կա ՄԻԱՎ-ի համաճարակ։
