ԵՐԵՎԱՆ, 31 հոկտեմբերի — Sputnik. Հայաստանում Ոստիկանություն է ներկայացել 38-ամյա մի քաղաքացի, որը հետախուզվում էր Ուկրաինայի իրավապահների կողմից, հայտնում են ՀՀ Ոստիկանությունից։
Հաղորդման համաձայն` Ոստիկանության Գավառի բաժնի ծառայողների բացատրական աշխատանքների շնորհիվ բաժին է ներկայացել 1978 թ. ծնված Անդրանիկ Խ.-ն, որը 2015 թ. օգոստոսի 1-ից Ուկրաինայի իրավապահների կողմից հետախուզվում էր ճանապարհատրանսպորտային երթևեկության կանոնները խախտելու մեղադրանքով:
Նշվում է, որ հայտնաբերման մասին տեղյակ է պահվել հետախուզում նախաձեռնողին:
