ԵՐԵՎԱՆ, 31 հոկտեմբերի — Sputnik. Հոկտեմբերի 31-ին, ժամը 16.48-ին Վրաստանի ՆԳՆ արտակարգ իրավիճակների դեպարտամենտից տեղեկություն է ստացվել, որ ժամը 12.25-ին Թբիլիսի քաղաքի Ջավախեցու 2-րդ նրբանցքի 7-րդ կորպուսի մոտակայքում գտնվող ավտոտնակներից մեկում տեղի է ունեցել գազի արտահոսք՝ պայթյունով։ Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
«Պայթյունի հետևանքով ձեռքի և դեմքի հատվածում այրվածքներ է ստացել ՀՀ քաղաքացի 1994 թ. ծնված Վ. Հ.-ը»,– նշված է հաղորդագրության մեջ:
Տուժածը հոսպիտալացվել է Ինգոռոխվա կլինիկա, որտեղ վերջինիս առողջական վիճակը գնահատվել է բավարար:
