ԵՐԵՎԱՆ, 31 հոկտեմբերի — Sputnik. Երևանը նոյեմբերյան տոների ժամանակ մոսկվացիների նախընտրելի ամենահայտնի ուղղությունների վարկանիշային աղյուսակում զբաղեցնում է առաջին տեղը։ Վարկանիշային աղյուսակը կազմել է «Սվյազնոյ Թրևլ» առցանց ծառայությունը, գրում է The Village-ը։
Հետազոտության արդյունքների համաձայն` Երևանը զբաղեցնում է առաջին հորիզոնականը։ Առաջին տասը քաղաքների թվում են Սիմֆերոպոլը, Սոչին, Մինվոդին, Սանկտ Պետերբուրգը, Թբիլիսին, Կազանը, Մյունխենը, Կալինինգրադը, Ցյուրիխը։
Մեկ տարվա ընթացքում ամենահայտնի ուղղությունների տասնյակում կատարվել են փոփոխություններ։ Մասնավորապես` փոխվել է առաջատարը. 2015թ-ին առաջին հորիզոնականում է եղել Սանկտ Պետերբուրգը։ Միաժամանակ 20 տոկոսով աճել է Սիմֆերոպոլի վարկանիշը, 63 տոկոսով` Սոչիի։ 2016թ-ին տասնյակից դուրս են մնացել Փարիզը, Կիևը և Նյու Յորքը։
