Իտալիայի կենտրոնական մասում գտնվող քաղաքներից տարհանել են շուրջ 40 հազար մարդու։ Այս մասին հայտնում է Corrire della Sera-ն։ Ցնցումները զգացվել են ողջ Իտալիայի տարածքում, այդ թվում` Հռոմում և կենտրոնական մասի մյուս մեծ քաղաքներում: Նշվում է, որ երկրաշարժից հետո երեկ օրվա ընթացքում Իտալիայի կենտրոնական մասում արձանագրվել է տարբեր ուժգնությամբ 200 ցնցում:
Հոկտեմբերի 30-ին գրանցված երկրաշարժը երրորդն էր այս տարվա ընթացքում։
Նախորդ ցնցումներն արձանագրվել էին օգոստոսի 24-ին և հոկտեմբերի 26-ին։ Վերջին երկուսի հետևանքով զոհեր չեն գրանցվել, թեև ավերածություններ են եղել իտալական շուրջ 100 քաղաքում և բնակելի տարածքում։
