ԱԻՆ փրկարար ծառայության ճգնաժամային կառավարման ազգային կենտրոնի օպերատիվ հերթափոխի պետ Հրանտ Ճաղարյանը նշեց, որ այսօր ժամը 07։57-ի սահմանում քաղաքացի է ահազանգել ԱԻՆ՝ հաղորդելով, որ Հրազդանի կիրճում, «Փարվանա» ռեստորանի մոտ ճանապարհին քարաթափում է եղել, երթևեկությունը դարձել է միակողմանի։
Փրկարար ծառայությունն անմիջապես արձագանքել է ահազանգին։ Տեղ հասնելուն պես փրկարարները վերացրել են խոչընդոտը՝ քարերը հեռացնելով ճանապարհից։ Հրանտ Ճաղարյանը դժվարացավ ասել, թե ստույգ պատճառն ինչն է եղել, նշեց, որ քարաթափումները տեղի են ունենում աշնանը կամ գարնանը, տեղումների հետ։
Հրազդանի կիրճում քարաթամումներ հաճախ չեն լինում, հնարավոր է՝ խոնավացրած լինի տեղանքը ու քարեր թափվեն, հնարվոր է՝ փորման, քանդման հետևանք լինի։ Իրական պատճառը հայտնի կլինի ուսումնասիրելուց հետո։
