«Հիդրոմետ» ծառայության օդերևութաբանության կենտրոնի պետ Զարուհի Պետրոսյանը Sputnik Արմենիա ռադիոկայանի եթերում խոսում է եղանակի առաջիկա փոփոխությունների մասին։
Նրա խոսքով` հոկտեմբերի 3-ին, 4 և 5-ին սպասվում է առանց տեղումների եղանակ և համեմատաբար ցածր ջերմաստիճան։ Ամսի 3-ի ցերեկվանից սպասվում է օդի ջերմաստիճանի բարձրացում, և 4-ին, 5-ին մայրաքաղաքում ջերմաստիճանը կհասնի 13 աստիճանի։
«Այնպես որ ձմռան մասին խոսելը դեռ վաղ է, մեզ սպասվում են տաք, արևային օրեր»,- Sputnik Արմենիային ասաց Զարուհի Պետրոսյանը։
Նշենք, որ նոյեմբերի 1-2-ը հանրապետությունում սպասվում են առատ տեղումներ, լեռնային և նախալեռնային գոտիներում՝ հիմնականում ձյան տեսքով, առանձին ճանապարհահատվածներում սպասվում է բուք, ցածր տեսանելիություն և մերկասառույց: Նոյեմբերի 2-ի լույս 3-ի գիշերը Տավուշի և Սյունիքի հովտային գոտիներում, Արագածոտնի և Վայոց ձորի նախալեռներում, Արարատյան դաշտում հնարավոր է 0-2 աստիճան ցուրտ:
