ԵՐԵՎԱՆ, 30 հոկտեմբերի — Sputnik. Նոյեմբերյանի տարածաշրջանի պաշտպանական դիրքից Նոյեմբերյանի բժշկական կենտրոն տեղափոխելու ճանապարհին պայմանագրային զինծառայող է մահացել։
Մահացածը Հաղթանակ գյուղի բնակիչ, պայմանագրային զինծառայող, 1987թ. ծնված Դերենիկ Խալխալյանն է, գրում է aravot.am-ը` հավելելով, որ Խալխալյանը մարտական հենակետում փորի, կրծքավանդակի շրջանում սուր ցավ է զգացել, «հավանաբար, նա կաթված է ստացել»։
Բժշկական կենտրոնից tert.am-ին հայտնեցին, որ առաջիկա հետազոտությունը կպարզի մահվան պատճառը, միաժամանակ շեշտեցին, որ զինծառայողը չի մահացել հրազենային վնասվածքից, այլ առողջական խնդիրներ է ունեցել:
