«Հրապարակ». Սերժ Սարգսյանն սկսել է կազմել նախընտրական ցուցակը. նա կողմնորոշվել է 3 կանանց հարցում
«Հրապարակ» թերթը գրում է. «Սերժ Սարգսյանն սկսել է կազմել ՀՀԿ նախընտրական ցուցակը։ Մինչ ՀՀԿ-ի «հասարակ մահկանացուներն» անհամբեր սպասում են կուսակցության նոյեմբերի 26-ի համագումարին՝ ակնկալելով դրանից որոշակիություն, առանձին-առանձին Բաղրամյան 26 են կանչվում «ընտրյալները»։ Առաջին այցելուները գործարարներն են, նրանցից հետաքրքրվում են՝ ինչ ցանկություն եւ հնարավորություններ ունեն, ու ըստ այդմ էլ՝ համապատասխան ցուցումներ տալիս։
Սերժ Սարգսյանը կողմնորոշվել է 3 կանանց հարցում․ 2017-ի խորհրդարանում կլինեն ԱԺ փոխնախագահ Հերմինե Նաղդալյանը, արդարադատության գործող նախարար Արփինե Հովհաննիսյանը եւ խմբագիր Սաթիկ Սեյրանյանը։
Նոր Սահմանադրության ու Ընտրական օրենսգրքի պահանջով կուսակցական ցուցակների առնվազն մեկ քառորդը կին պետք է լինի։ Ընդ որում, առաջին համարից սկսած՝ յուրաքանչյուր քառյակում մեկական՝ 1-4, 1-8, 1-12»:
Վարչապետի կադրային փոփոխությունները ոմանց սրտով չեն
«Հրապարակ».-ի տեղեկություններով՝ կառավարությունում սկսված կրճատումների և կադրային փոփոխությունների հողի վրա նորեկների և հնաբնակների միջև կոնֆլիկտ է առաջացել։
Մի շարք գերատեսչություններում նորանշանակ ղեկավարները ցանկանում են իրենց մարդկանց բերել աշխատակազմ, համաձայնեցնում են դա վարչապետի հետ, սակայն վերջին պահին նախագահականից միջամտում են և «ստոպ» տալիս կադրային փոփոխությանը։
Կա հին, փորձառու պաշտոնյաների մի խումբ, որոնք ոչ միայն երկար են աշխատել, այլև մեծ դեր են խաղացել տվյալ հիմնարկի, ոլորտի, օրենսդրության կայացման գործում, գիտեն բոլոր նրբությունները և առաջիկայում էլ պետք կգան իշխանություններին, հետևաբար՝ նախարարները կարող են փոխվել, բայց նրանք՝ ոչ։
«Հայոց աշխարհ». Կհանդիպեն Համբուրգում
«Հայոց աշխարհը» գրում է. Հայաստանի և Ադրբեջանի արտգործնախարարներ Էդվարդ Նալբանդյանի ու Էլմար Մամեդյարովի հանդիպումը տեղի կունենա դեկտեմբերի սկզբներին՝ Համբուրգում։
«Մենք անհամբերությամբ սպասում ենք այդ հանդիպմանը հակամարտության կարգավորման հիմնական հարցերի շուրջ կարևոր բանակցությունները շարունակելու համար»,- նշել է ՈՒորլիքը
«Հայաստանի Հանրապետություն». Վերջին հրաժեշտը՝ վաղը
Թերթը գրում է, որ անվանի արձակագիր, թարգմանիչ, կինոդրամատուրգ, Հայաստանի գրողների միությանանդամ Շուբեն Հովսեփյանի հոգեհանգիստը տեղի կունենա այսըր ժամը 18-20-ը Սոս Սարգսյանի անվան համազգային թատրոնում (Ամիրյան 26)։«Հրաժեշտի արարողությունը տեղի կունենա վաղը12-12-ը՝ Հայաստանի գրողների միությունում (Բաղրամյան 3)։ Հուղարկավորությունը՝ Երոանի քաղաքային պանթեոնում»,- գրում է «Հայաստանի Հանրապետությունը»։
