ԵՐԵՎԱՆ, 28 հոկտեմբերի – Sputik. Ոստիկանության լրատվական ծառայությունը հայտնում է, որ ծառայության ընթացքում բոլոր ճանապարհային ոստիկաններն արդեն համազգեստի վրա տեսախցիկ են կրում:
Ըստ ոստիկանության տված մեկնաբանության՝ ծառայության նման տեխնիկական հագեցումը թույլ է տալիս տեղում տուգանել ճանապարհային երթևեկության կանոնները խախտած վարորդներին, ինչը ժամանակին կասեցվել էր՝ կոռուպցիոն ռիսկերից խուսափելու նկատառումով:
Քանի որ ներկայումս ողջ գործընթացը տեսաձայնագրվում է, ճանապարհային ոստիկանը կարող է իրավախախտումն արձանագրելուց հետո տեղում գանձել նշանակված տուգանքը:
Դյուրակիր խցիկներով արված տեսաձայնագրությունը պահպանվում է 48 ժամ, ուստի ՃՈ–ն քաղաքացիներին խնդրում է ճանապարհային ոստիկանի գործողությունների հետ անհամաձայնության դեպքում հնարավորինս արագ տեղեկացնել այդ մասին:
