ԵՐԵՎԱՆ, 27 հոկտեմբերի — Sputnik. Հայաստանի և Ադրբեջանի ԱԳՆ ղեկավարներ Էդվարդ Նալբանդյանի և Էլմար Մամեդյարովի հանդիպումը տեղի կունենա դեկտեմբերի սկզբին Համբուրգում, հինգշաբթի հայտնել է ԵԱՀԿ ՄԽ ամերիկացի համանախագահ Ջեյմս Ուորլիքը, հայտնում է ՌԻԱ Նովոստին։
«Համբուրգում ԵԱՀԿ ԱԳՆԽ նիստի շրջանակում տեղի կունենա Հայաստանի և Ադրբեջանի ԱԳՆ ղեկավարների հանդիպումը։ Մենք անհամբեր սպասում ենք այդ հանդիպմանը լուրջ բանակցությունների անցկացման համար հակամարտության կարգավորման հիմնական հարցերը քննարկելու համար», — ասել է Ուորլիքը։
Հարցին, թե արդյոք նախատեսվու՞մ է Համբուրգում նիստից առաջ որևէ հանդիպման անցկացում ԼՂՀ հակամարտության կարգավորման հետ կապված, Ուորլիքը հայտել է, որ համանախագահները «մշտական կապի մեջ են նախագահների և նախարարների հետ, պատրաստ են հանդիպում անցկացնել ցանկացած պահի»։
ԵԱՀԿ անդամ երկրների Արտաքին գործերի նախարարների խորհրդի հերթական նիստն անցկացվելու է Համբուրգում դեկտեմբերի 8-9-ը։
