ԵՐԵՎԱՆ, 27 հոկտեմբերի — Sputnik. «Գազպրոմն» ավարտել է ռուսական ստորգետնյա պահեստարաններում գազի օպերատիվ պաշարի ստեղծման աշխատանքը` հաշվի առնելով Հայաստանի և Բելառուսի տարածքներում գտնվող պահեստարանները։ Այս մասին հայտնում է ընկերության մամուլի ծառայությունը։
«Ավարտվել է ռուսական ստորգետնյա պահեստարաններում 72,098 մլրդ խորանարդ մետր ծավալով գազի օպերատիվ պաշարների ստեղծման աշխատանքները։ Հաշվի առնելով Հայաստանի և Բելառուսի տարածքներում գտնվող պահեստարանները` «Գազպրոմի» գազի օպերատիվ պաշարը կկազմի շուրջ 73,3 մլրդ խմ», — նշված է ընկերության հաղորդագրությունում։
«Գազպրոմը» Ռուսաստանի տարածքում շահագործում է 22 պահեստարան, որում ներառված է գազի պահպանման 26 օբյեկտ։ Բելառուսի տարածքում «Բելառուսը» շահագործում է գազի պահպանման երեք օբյեկտ, Հայաստանում` մեկ։
