ԵՐԵՎԱՆ, 25 հոկտեմբերի-Sputnik. ԵԱՀԿ Մինսկի խմբի ամերիկացի համանախագահ Ջեյմս Ուորլիքը նախ ներկայացերց ճանապարհային քարտեզը` Բաքու, հետո Լեռնային Ղարաբաղ, հիմա էլ՝ Հայաստան։ Նշեց, որ կարողացել է հանդիպումներ ունենալ ԼՂՀ դե ֆակտո իշխանությունների ու նախագահի հետ։
Այժմ համանախագահները սպասում են Հայաստանի նախագահ Սերժ Սարգսյանի, պաշտպանության նորանշանակ նախարար Վիգեն Սագսյանի և արտգործնախարար Էդվարդ Նալբանդյանի հետ հանդիպմանը։
«Մենք տարածաշրջան ենք եկել մի քանի պատճառներով. առաջինն այն է, որ խոսենք հրադադարի պահպանման որոշման նկատմամբ հարգանքի ապահովման մասին։ Մեզ համար գոհացնող է, որ հրադադարն ապրիլից հետո, ընդհանուր առմամբ, պահպանվել է։ Գիտեմ, եղել են դեպքեր, դրանց առթիվ ուզում ենք խոսել կողմերի հետ ու նաև տեղյակ ենք շփման գծում լարվածության մասին»,-ասաց Ուորլիքը։
Հաջորդ նպատակը, նրա ձևակերպմամբ, Վիեննայում և Սանկտ Պետերբուրգում ձեռքբերված համաձայնություններին հետամուտ լինելն է։
ԵԱՀԿ Մինկսի ամերիկացի համանախագահն ընդգծեց, որ աշխատում են տևական խաղաղության ապահովման ուղղությամբ. խաղաղություն, որին արժանի են տարածաշրջանի ժողովուրդները։
