ԵՐԵՎԱՆ, 21 հոկտեմբերի — Sputnik. Seven/Eight Band յուրահատուկ էթնո խմբի արտիստներն առաջին անգամ ելույթ ունեցան Երևանում։
Աշխարհի տարբեր ժողովուրդների գործիքների հիասքանչ հնչյունները միահյուսվեցին ու կախարդեցին ունկնդիրներին։ Դուդուկի, կլառնետի, զուռնայի, բաս-կլառնետի, ջութակի, ուդի, սաքսոֆոնի, հարվածային գործիքների և այլ յուրահատուկ երաժշտական գործիքների նվագը նվաճեց հանդիսատեսի սիրտը։ Վիրտուոզ երաժիշտները կատարեցին հայկական, բուլղարական, սերբական, հնդկական և այլ ժողովուրդների երաժշտություն։ Seven/Eight Band-ը մի քանի հայկական ստեղծագործություն կատարեց, այդ թվում` Սայաթ Նովա։
Մի բեմում միախառնվեցին մոլորակի մեղեդիները։ Համերգի ընթացքում հնչեցին ստեղծագործություններ, որոնք տարբեր երկրների մեղեդիների, վառ էկզոտիկ ռիթմերի էներգիայի համադրություն էին, այսինքն` յուրաքանչյուրը կարող էր իրեն հոգեհարազատ ինչ-որ բան գտնել։
Երաժիշտները շփվեցին նաև հանդիսատեսի հետ, նշեցին, որ իրենց շատ են դուր եկել հայերն ու Երևանը, շնորհակալություն հայտնեցին ջերմ ընդունելության համար ու շեշտեցին` շատ հաճելի է գտնվել Երևանում։
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/27/5222700_0:0:1599:1005_600x0_80_0_0_1586eb3b6e322404626cdb5bb4de8cd7.jpg)
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/26/5222644_0:0:1599:1005_600x0_80_0_0_f8e6956b19d48e14183bba84ff2bcb35.jpg)
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/25/5222588_0:0:1599:1005_600x0_80_0_0_184b91c848959832bb86c4abe90f012b.jpg)
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/25/5222533_0:0:1599:1005_600x0_80_0_0_b82f563bd2c85b349e53520bca6270d3.jpg)
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/24/5222477_0:17:1599:1023_600x0_80_0_0_baa5c6a8b189fd4de93953470449017b.jpg)
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/28/5222871_0:3:1600:1009_600x0_80_0_0_53a4f1865e82eb9c9b5e1df24126e137.jpg)
![7/8 Band–ի համերգը Երևանում 7/8 Band–ի համերգը Երևանում - Sputnik Արմենիա](https://cdn.am.sputniknews.ru/img/522/28/5222813_0:5:1600:1011_600x0_80_0_0_20a2c86ac7d2178ad2e12be50c1e4058.jpg)
Ժպտերես և տաղանդավոր Նորայր Բարսեղյանն իր դուդուկի անզուգական կատարմամբ ցնցեց ունկնդիրներին։ Աշխարհահռչակ թուրք երաժիշտ Միսիրլի Ահմեդի վիրտուոզ նվագը նույնպես հիացրեց հայ հանդիսատեսին։ Նա երկու թմբուկների վրա նվագելու յուրահատուկ տեխնիկա է մշակել ու դա կատարում է աներևակայելի արագությամբ։
Ներկաներից ոչ մեկը չզգաց հանճարեղ վիրտուոզների ազգային պատկանելությունը, քանի որ երաժշտությունը սահմաններ չունի։
Seven/Eight Band-ի կազմը. Անդրեյ Տանզյու` թմբուկ, ռիկ, պերկուսիա, Անտոն Կոնչակով` բաս-կլառնետ, Գենադի Լավրենտև` ջութակ, առանց լադերի կիթառ, Դմիտրի Իգնատովը` ուդ, բուզուկի, կավալ, Օլեգ Մարյախինը` սոպրանո սաքսոֆոն, Պյոտր Թալալայ` հարվածային գործիքներ, Դմիտրի Սիմոնով` բաս-կիթառ, Եվգենի Լեբեդև` ստեղնաշար, ակորդեոն, Նորայր Բարսեղյան (Կոտո)`կլառնետ, դուդուկ։