ԵՐԵՎԱՆ, 21 հոկտեմբերի — Sputnik. «Եվրատեսիլ-2017» միջազգային մրցույթում Կիպրոսը ներկայացնող Հովիկը (Hovig) հայկական արմատներ ունի։
Կիպրոսն առաջին երկիրն է, որը հրապարակել է իր մասնակցի անունը։
Երգիչը կկատարի շվեդ կոմպոզիտոր Thomas G:son-ի երգը։ Հովիկը 27 տարեկան է, 2009 թվականին մասնակցել է հունական X Factor նախագծին։ Երգը, որը երիտասարդ կատարողը կներկայացնի մրցույթին, կհրապարակվի առաջիկայում, իսկ առայժմ նա տեսանյութ է հրապարակել այն մասին, որ հենց ինքն է հանդես գալու հաջորդ տարվա մրցույթում։
