Հայ զորահրամանատար, պետական գործիչ, ֆիդայապետ Անդրանիկ Օզանյանի հուշարձանն Ուջանում տեղադրվել է 1967 թվականին։ Տեղի բնակիչները հուշարձանը պահպանել են զենքով, քանի որ վտանգ կար, որ խորհրդային իշխանությունը կարող էր այն հանել։
Ուջան գյուղի դպրոցի տնօրեն Ավետիս Հարությունյանի խոսքով` Զորավար Անդրանիկը հերոսի փառք է ձեռք բերել «Մշո Առաքելոց» վանքի պաշտպանության համար մղվող մարտերի ժամանակ (1901)։
1902-1904 թվականներին Անդրանիկի ջոկատները թուրքերի և քուրդ մուսուլմանների դեմ մարտեր էին մղում Սասունում, Տարոնում և Վասպուրականում։
Ուջան գյուղում այսօր ապրում են արևմտահայերի սերունդները նախնիները, որոնք հպարտանում են իրենց արմատներով և Զորավար Անդրանիկով։
Անդրանիկը մահացել է 1927 թվականի օգոստոսի 30/31-ին, Չիքո (Սակրամենտոյի մոտ) քաղաքի Ռիչարդսոն Սփրինգս հանքային ջրերի առողջարանային համալիրում՝ սրտի կաթվածից (ԱՄՆ) և սեպտեմբերին թաղվել է Ֆրեզնոյի «Արարատ» գերեզմանատանը։ 1928 թվականի հունվարին նրա աճյունը փոխադրվել է Փարիզ և վերաթաղվել Պեր-Լաշեզ գերեզմանոցում, իսկ տարիներ անց (2000) այն տեղափոխվել է Հայրենիք՝ Երևանի Եռաբլուր պանթեոն։
