Աշոտ Հարությունյան. Տեղացած ձյունն ու եղանակային փոփոխություններն այս անգամ աղետալի չեղան հողագործների համար
Գյուղատնտեսության նախարարության մասնագետը նշեց, որ, բարեբախտաբար, տեղացած ձյունն ու, առհասարակ, եղանակային փոփոխություններն այս անգամ աղետալի չեղան հողագործների համար:
Նախարարությունը հաղորդագրությունների, մարզպետարանների միջոցով սպասվող ցրտի մասին զգուշացրել է գյուղացիներին։ Առանձնապես մեծ քանակի բերք չի մնացել առանց հավաքելու։
Աշոտ Հարությունյանն ասաց, որ վտանգ կար Սյունիքում, որտեղ դեռևս նուռ, արքայախնձոր ու էլի մի քանի տեսակի միրգ է մնացել հավաքելու, սակայն այնտեղ ցրտահարություն չեղավ, ամեն ինչ նորմալ է։
«Բացի այդ, շուտով եղանակը կտաքանա, ու ամեն ինչ տեղը կընկնի»,– նշեց Հարությունյանը։ Ավելին, կաղամբին ցուրտն օգուտ է, իսկ կարտոֆիլը հողի մեջ է, հակառակ դեպքում չի հասցնի ցրտահարվել։
