Գրիգոր Առաքելյանն առաջարկում է կրկին շրջանառության վերադարձնել մանրադրամները՝ 5, 3, 1 դրամանոցները
Առաքելյանի կարծիքով` Հայաստանում 5 դրամանոցները չեն օգտագործվում, որովհետև դուրս են եկել մարդկանց գիտակցությունից, իսկ կան մարդիկ, որոնք ունեն այդ 5 դրամի կարիքը։
«Հիմնականում այն մարդիկ ունեն այդ 5 դրամի կարիքը, որոնք անկանխիկ առևտրի հնարավորություն չունեն։ Մասնավորապես` մեր ծնողները, որոնք չունեն քարտային վճարման հնարավորություն և ապրում են թոշակով»,- ասաց նա»
Իրականում այսօր բոլոր խանութներում գումարը կլորացնում են ոչ գնորդի օգտին, իսկ որ այդ «կլորացված» 5 դրամները միլիոններ են կազմում, ու այդ գումարները մնում են նրանց, ովքեր առանց այն էլ դրա կարիքը չունեն:
Առաքելյանը բոլորին կոչ է անում շրջանառության մեջ դնել իրենց մոտ պահպանված 5 դրամները:
