ԵՐԵՎԱՆ, 17 հոկտեմբերի — Sputnik. Ռազմավրացական ճանապարհով անցնող ավտոբուսների և մեծ բեռնատարների երթևեկությունն արգելվել է եղանակային պայմանների պատճառով։ Այս մասին հայտնում է Հյուսիսային Օսեթիայի արտակարգ իրավիճակների նախարարության գլխավոր վարչությունը։
«Վրաստանի տարածքում եղանակային պայմանների վատացման պատճառով, ինչպես նաև Վրաստանի սահմանային ոստիկանության խորհրդով արգելվել է մեծ բեռնատարների և ավելի քան 30 նստատեղ ունեցող ավտոբուսների երթևեկությունը Վլադիկավկազ —Լարս (դեպի Վրաստան) ուղղությամբ», — գրված է հաղորդագրության մեջ։
Արգելքը սահմանվել է Երևանի ժամանակով 17։30-ին։
