ԵՐԵՎԱՆ, 15 հոկտեմբերի — Sputnik, Ալանա Սաբաևա. Հյուսիսայի Օսեթիայում՝ Վլադիկավկազի հանրապետական կլինիկական հիվանդանոցում, մնացել է երեք տուժած, նրանցից երկուսը վերակենդանացման բաժանմունքում է:
Երիտասարդ տղամարդու մոտ կոնքի ոսկորների կոտրվածք է, իսկ կնոջ մոտ՝ կմախքի վնասվածք:
Ինչպես ասաց հիվանդանոցի վնասվածքների բաժանմունքի վարիչ Վադիմ Ռոտմիստրովը, հիվանդների վիճակը կայուն ծանր է:
ՃՏՊ-ից հետո բաժանմունք է տեղափոխվել 21 մարդ, բայց առաջին օգնություն ցուցաբերելուց հետո նրանք անցել են ստացիոնար բուժման: Վերականգնողական բաժանմունքում գտնվում է ևս երեք երեխա, նրանց վիճակը կայուն ծանր է: Նրանց ցուցաբերվում է անհրաժեշտ օգնություն:
«Մեր հիվանդանոց է տեղափոխվել հինգ երեխա, մեկին մայրը տարել է, որովհետև նրա կյանքին ոչինչ չէր սպառնում: Երկու երեխա վերականգնողական բաժանմունքում է, նրանցից մեկը 15 տարեկան է, մյուսը՝ 10: Նրանց վիճակը գնահատվում է ծանր», — ասաց Հյուսիսային Օսեթիայի հանրապետական կլինիկական հիվանդանոցի վերակենդանացման և անեստեզիոլոգիայի բաժանմունքի վարիչի պաշտոնակատար Ալան Կայտուկովը:
Տղաներից մեկը երկու վիրահատության է ենթարկվել, քանի որ ուներ ստորին ծնոտի կոտրվածք և աջ սրունքի երկու ոսկրերի բաց կոտրվածք:
Վնասվածքաբանության և նյարդավիրաբուժության բաժանմունքի վարիչ Ացամազ Կասաևի խոսքով՝ բաժանմունքում են 16 և 15 տարեկան երկու անչափահասներ՝ թեթև գանգուղեղային վնասվածքով: Նրանց վիճակը գնահատվում է կայուն միջին ծանրության: Հիվանդները ստանում են անհրաժեշտ օգնություն:
ՃՏՊ-ը տեղի է ունեցել Բեսլանի մոտ` հոկտեմբերի 14-ին` 04:30-ին։ Մոսկվա-Երևան երթուղի իրականացնող ուղևորատար ավտոբուսը բախվել է ճամփեզրին կայանած բեռնատարին։ Ավտոբուսում 52 մարդ է եղել, գրեթե բոլորը` Հայաստանի քաղաքացիներ։ Վթարի հետևանքով 5 մարդ է մահացել. 2-ը ՀՀ քաղաքացիներ են, 3-ը` ռուսներ։
