ԵՐԵՎԱՆ, 14 հոկտեմբերի — Sputnik. ԱԻՆ ինքնաթիռը Բեսլանից մեկնել է Երևան, օդանավում կա ավտովթարից տուժած 25 մարդ և չորս ազգական, Sputnik —ին հայտնեց Հյուսիսային Օսեթիայի կառավարության ղեկավարի տեղակալ Իրբեկ Տոմաևը։
«Ինքնաթիռը թռել է, օդանավում կա 29 մարդ և մեկ դի»,- նշված է հաղորդագրությունում։ Կառավարության տվյալներով` որոշ մարդիկ (10 հոգի) սեփական ուժերով են մեկնել Հյուսիսային Օսեթիայից։
«Ներկա պահին հանրապետության հիվանդանոցներում 10 մարդ կա, որոնք ապահովված են անհրաժեշտ բոլոր դեղամիջոցներով»,- Sputnik Արմենիայի թղթակցի հետ զրույցում ասաց Տոմաևը։
Վթարը տեղի է ունեցել Բեսլանի մոտ` ժամը 04:30-ին։ Մոսկվա-Երևան երթուղին իրականացնող ուղևորատար ավտոբուսը բախվել է ճամփեզրին կայանած բեռնատարին։ Ավտոբուսում 52 մարդ է եղել, գրեթե բոլորը` Հայաստանի քաղաքացիներ։
