ԵՐԵՎԱՆ, 14 հոկտեմբերի — Sputnik. ՀԱՊԿ ճգնաժամային արձագանքման կենտրոնի վրա կդրվեն կանոնադրական մարմինների կողմից համապատասխան որոշումների ընդունման տեղեկատվական-վերլուծական և կազմակերպչական-տեխնիկական, ինչպես նաև իրական ժամանակի ռեժիմում տեղեկատվության փոխանակման ապահովման գործառույթները:
Այս մասին հայտնել է ՀՀ նախագահ Սերժ Սարգսյանը Հավաքական անվտանգության պայմանագրի կազմակերպության Հավաքական անվտանգության խորհրդի նստաշրջանի ավարտից հետո։
Նստաշրջանի ընթացքում ստորագրվել է 21 փաստաթուղթ, որոնց թվում է նաև ՀԱՊԿ-ի` մինչև 2025 թվականի հավաքական անվտանգության ռազմավարությունը։ Հավաքական անվտանգության պայմանագրի կազմակերպության Հավաքական անվտանգության խորհրդի նստաշրջանն անցկացվել է Երևանում, հոկտեմբերի 14-ին։
