Հոկտեմբերի 14-ին արտակարգ դեպք է տեղի ունեցել Գյումրիում. 14:00-ի սահմանում Ալեք Մանուկյան փողոցում՝ «50–ամյակի կամրջի» մոտ, միմյանց են բախվել են BMW և... 14.10.2016, Sputnik Արմենիա
Հոկտեմբերի 14-ին արտակարգ դեպք է տեղի ունեցել Գյումրիում. 14:00-ի սահմանում Ալեք Մանուկյան փողոցում՝ «50–ամյակի կամրջի» մոտ, միմյանց են բախվել են BMW և «Մերսեդես» մակնիշի մեքենաները, վարորդները քաշքշել են միմյանց, սկսվել է վիճաբանություն, որը վերածվել է խմբակային խուլիգանության։
ԵՐԵՎԱՆ, 14 հոկտեմբերի — Sputnik, Արմենուհի Մխոյան. Ահազանգի հիման վրա դեպքի վայր է մեկնել քննչական-օպերատիվ խումբը՝ Շիրակի մարզային քննչական վարչության պետի տեղակալ Սահակ Մկրտչյանի գլխավորությամբ։ Դեպքի վայրի զննությամբ հայտնաբերվել է գազային ատրճանակի 4 հատ չկրակված փամփուշտ։
Ըստ ականատեսների` վեճը եղել է քաղաքում հայտնի երկու ընտանիքների՝ Մխոյենց և Իգիթենց որդիների միջև:
Գյումրիում տեղի ունեցած դեպքի առթիվ հարուցվել է քրեական գործ խուլիգանություն հոդվածով:
Վայրի զննությամբ հայտնաբերվել է գազային ատրճանակի 4 հատ չկրակված փամփուշտ
«Քրեական գործը հարուցվել է ՀՀ ոստիկանության «Մուշի» բաժնի աշխատակցի զեկուցագրի համաձայն: Դեպքի վայրում հայտնաբերվել է գազային ատրճանակի չկրակված 4 փամփուշտ, վնասված մեքենաներ: Հարուցվել է քրեական գործ ՀՀ քրեական օրենսգրքի 258 հոդվածով: Ըստ տեղեկությունների դեպքը սկսվել է ավտովթարից: Կասկածվողների մի մասը բերման է ենթարկվել: Տվյալները ճշտվում են: Կրակոցների վերաբերյալ ընդհանրապես տեղեկություններ չկան, իսկ դեպքի վայրում հայտնաբերված իրերը չեն խոսում կրակոց լինելու մասին՝ ո՛չ կրակված պարկուճ կա, ո՛չ կրակոցի հետևանքով վնասված մեքենա»,-նշեց Շիրակի մարզի քննչական վարչության պետի տեղակալ Սահակ Մկրտչյանը` հաստատելով, որ տարածքում արյան հետքեր են հայտնաբերվել:
Ձեռնարկվում են անհրաժեշտ գործողություններ՝ դեպքի բոլոր հանգամանքները եւ մասնակիցների շրջանակը պարզելու ուղղությամբ:
