ԵՐԵՎԱՆ, 14 հոկտեմբերի — Sputnik. Ռուսաստանի արտգործնախարար Սերգեյ Լավրովը հայտարարեց, որ Թուրքիան կարող է դրական դեր խաղալ ղարաբաղյան հակամարտության ապաարգելափակման հարցում։
«Կարևոր գործոն է այն, որ Թուրքիան կարող է դրական դեր խաղալ Լեռնային Ղարաբաղի ապաարգելափակման հարցում` նորմալ տնտեսական փոխգործակցություն ապահովելով տարածաշրջանում»,- ասաց նա լրագրողներին։
Նա նշեց, որ եթե Հայաստանն ու Թուրքիան վերադառնան իրենց պայմանավորվածությունների կատարմանը, ապա իրենք միայն ուրախ կլինեն։
«Մեր կարծիքով` ղարաբաղյան հակամարտություն հարցում առաջընթացն առանցքային կլինի հայ-թուրքական հարաբերությունների կարգավորման համար։ Դա կյանք է։ Տեսնենք` ինչ կստացվի», — ասաց Լավրովը։
Նրա խոսքով` Թուրքիան կարող է դրական դեր խաղալ «ողջ տարածաշրջանում նորմալ տնտեսական փոխազդեցություն ապահովելու, լոգիստիկ, տրանսպորտային, ենթակառուցվածքային հարցերում»։
