ԵՐԵՎԱՆ, 11 հոկտեմբերի — Sputnik. Ռուսաստանում արձանագրվել է Զիկա վիրուսի ներթափանցման 10-րդ դեպքը։ Այս մասին հայտնել է Ռոսպոտրեբնադզորի ղեկավար Աննա Պոպովան։
Գերատեսչության տվյալով` դեպքն արձանագրվել է սեպտեմբերի կեսին։
Ռոսպոտրեբնադզորի տվյալով` 10-րդ դեպքը գրանցվել է ավելի քան երեք շաբաթ առաջ։
«Զիկա» տենդը «Զիկա» վիրուսով հարուցված միջին ծանրության հիվանդություն է, տարածված է արևադարձային և մերձարևադարձային երկրներում, քանի որ հիմնականում փոխանցվում է այդ կլիմայական գոտիներում տարածված Aedes aegypti մոծակի միջոցով, նաև սեռական ճանապարհով:
