ԵՐԵՎԱՆ, 10 հոկտեմբերի — Sputnik. «Երևան Օփեն» շախմատի միջազգային մրցաշարում տեղի են ունեցել վերջին տուրի հանդիպումները, հայտնում է armchess.am-ը։
Պավել Սմիրնովը, ով պայքարում էր առաջին տեղի համար և կարող էր դառնալ միանձնյա հաղթող, վերջին տուրում տանուլ է տվել խաղը։
Ռոբերտ Հովհաննիսյանը ոչ-ոքի է խաղացել Տիգրան Լ․ Պետրոսյանի հետ և վաստակելով 7 միավոր` լրացուցիչ միավորներով առաջ է անցել Սմիրնովից։
Վիտալի Բերնադսկին նույնքան միավորով եզրափակել է լավագույն եռյակը։
Տիգրան Լ․ Պետրոսյանը 4-րդն է, Հովիկ Հայրապետյանը` 5-րդը:
