ԵՐԵՎԱՆ, 10 հոկտեմբերի — Sputnik. ԱՄՆ-ի Դեմոկրատական կուսակցության կողմից նախագահի թեկնածու առաջադրված Հիլարի Քլինթոնի հոնքին նստած ճանճը բուռն քննարկումների թեմա է դարձել սոցցանցերում, հայտնում է ՌԻԱ Նովոստին` հղում անելով The Hill պարբերականին։
Հեռուստաբանավեճի ընթացքում Քլինթոնը շարունակել է խոսել` անտեսելով ճանճին, ինչն էլ մեկնաբանությունների ու տարաբնույթ քննարկումների թեմա դարձել Twitter-ում և Facebook-ում։ Ճանճի համար նույնիսկ մի քանի հատ հատուկ էջ է բացվել Twitter-ում։
.@HillaryClinton has a fly on her face because she's a lyin crooked and rotten liar. Do not believe her. She's pure evil pic.twitter.com/SEKAcd73RU
— Scott Isbell (@scottisbell_) 10 октября 2016 г.
ԱՄՆ նախագահի թեկնածուի հեռուստաբանավեճը կայացել է հոկտեմբերի 9-ին Վաշինգտոնի համալսարանում։ Հեռուստաբանավեճից հետո անցկացրած առաջին հարցման տվյալների համաձայն` առաջատարը Քլինթոնն է։ CNN և ORC ընկերության բլից-հարցման տվյալներով` Քլինթոնին բանավեճի հաղթող է համարում հարցվածների 57%-ը, Թրամփին` 34%-ը։
