ԵՐԵՎԱՆ, 10 հոկտեմբերի — Sputnik. Ռուսաստանի նախագահ Վլադիմիր Պուտինը Ստամբուլ է ժամանել Էներգետիկ համաշխարհային կոնգրեսին մասնակցելու նպատակով։ Այցի ընթացքում նա երկկողմ հանդիպումներ կունենա Թուրքիայի նախախագահ Ռեջեփ Թայիփ Էրդողանի և Վենեսուելայի նախագահ Նիկոլաս Մադուրոյի հետ։
Կոնգրեսը կկայանա հոկտեմբերի 9-13-ը։ Ծրագրվում է. Որ համաժողովի ընթացքում առանձին հանդիպումների ու բանակցությունների ընթացքում կքննարկվի նաև նավթի գինը։
Ստամբուլում քննարկվելու են միջազգային և տարածաշրջանային օրակարգում ռուս-թուրքական հարաբերությունների արդիական հարցերը։ Պլանավորվում է ստորագրել երկկողմ փաստաթղթեր։
Բացի այդ, համաժողովի շրջանակում Պուտինը հանդիպումներ կունենա միջոցառման մասնակից այլ նախագահների հետ։ Ակնկալվում է, որ Պուտինն ու Էրդողանը Ստամբուլում կքննարկեն նաև Սիրիայի հարցը։
«Պլանավորվում է նաև նախագահի հանդիպումը միջազգային կոնգրեսի մեկ այլ մասնակցի՝ նախագահ Մադուրոյի հետ։ Եվ, իհարկե, բանակցություններ կընթանան նախագահ Էրդողանի հետ»,- լրագրողներին ասել է ՌԴ նախագահի խոսնակ Դմիտրի Պեսկովը։
