ԵՐԵՎԱՆ, 10 հոկտեմբերի — Sputnik. Հոկտեմբերի 9-ին, ժամը 3-ին, հիվանդանոցից ոստիկանության Արաբկիրի բաժնում հաղորդում է ստացվել, որ Երևանի Մամիկոնյանց փողոցի 51 շենքի բնակարաններից մեկից, «շմոլ գազի թունավորում» ախտորոշմամբ, շտապօգնության խումբը բուժօգնության է տեղափոխել 1968 թ. ծնված Գայանե Ա.-ին, 1995 թ. ծնված Իննա Ա.-ին և 2000 թ. ծնված Յուլիա Ա.-ին:
Ինչպես հայտնում է Ոստիկանության լրատվական ծառայությունը, մեկնած օպերատիվ խումբը պարզել է, որ նրանք թունավորվել են շմոլ գազից:
Նշանակվել են փորձաքննություններ:
Կատարվում է հետաքննություն:
