ԵՐԵՎԱՆ, 9 հոկտեմբերի — Sputnik. Օպերատիվ-քննչական խումբն ավարտել է աշխատանքը «Եվրոպա» առևտրի կենտրոնում, որտեղ նախօրեին դաժան սպանություն է կատարվել: Այս մասին հայտնում է Sputnik Բելառուսը՝ հղում անելով Քննչական կոմիտեին:
Քննության տվյալներով՝ ոճրագործության հեղինակը 17 տարեկան տղա է: Կասկածյալը ձերբակալվել է:
Նրա գործողությունները որակվել են որպես «հատկապես ծանր հանցագործություն»: Այցելուն մտել է շենք և սղոցով ու կացնով հարձակվել մարդկանց վրա:
Մահացել է առևտրի կենտրոնի աշխատակցուհին՝ 43-ամյա մի կին, ևս մեկն էլ հիվանդանոցում է: Կիրակի հայտնի է դարձել, որ մեկ ուրիշ տուժած էլ կա:
Հարուցվել է քրեական գործ՝ «Սպանություն ծանրացուցիչ հանգամանքներում» հոդվածով:
«Օպերատիվ-քննչական խումբն ավարտել է աշխատանքը դեպքի վայրում»,- հաղորդել է ՔԿ պաշտոնական ներկայացուցիչ Յուլիա Գոնչարովան:
Նա նշել է, որ քրեական գործով աշխատանքը շարունակվում է:
