ԵՐԵՎԱՆ, 7 հոկտեմբերի — Sputnik. «ժառանգությունը» կարևորում է երկրում քաղաքական մենաշնորհի վերացումը, այսօր ասաց Ազգային ժողովի պատգամավոր Զարուհի Փոստանջյանը՝ անդրադառնալով Ընտրական օրենսգրքին և ԿԸՀ ղեկավար կազմի վերընտրությանը։
«Իշխանությունն արդեն հոգ է տարել իր վերընտրվելու մասին՝ երկիրը բաժանելով 13 ընտրական տարածքների, որտեղ կենտրոնացրել է իր ընտրակեղծարարներին»,- հայտարարեց պատգամավորը։
Նա հավելեց, որ նման «մասնագետներից» մեկն էլ Սյունիքի «մերթ գործող, մերթ նախկին մարզպետ Սուրիկ Խաչատրյանն է», ում մասին, Զարուհի Փոստանջյանի ձևակերպմամբ՝ «հիշում են ընտրություններից առաջ, երբ պետք է կատարել «ձայներ հավաքելու» պլանը»։
