ԵՐԵՎԱՆ, 7 հոկտեմբերի — Sputnik. Հայաստանի նոր կառավարությունն ապագայի տեսլական չունի։ Այսօր, գնահատելով գործադիրի նոր կազմի հնարավորությունները, ասաց ՀԱԿ խմբակցության ղեկավար Լևոն Զուրաբյանը։
Զուրաբյանն իր տեսակետը հիմնավորեց` հիշեցնելով ԱԺ-ում վարչապետ Կարեն Կարապետյանի հնչեցրած անկեղծ պատասխանը. երբ պատգամավորներից մեկը հարցրեց, թե ինչպես է գործող ցածր աշխատավարձերով վարչապետը բարձրակարգ մասնագետներ ներգրավելու կառավարման ոլորտում, նա պատասխանեց՝ չգիտեմ։
«Ընտրություններից առաջ ուղղակի փորձում են մարդկային դեմք տալ հանցավոր համակարգին»,- անդրադառնալով Սյունիքի մարզպետի պաշտոնանկությանը` նշեց Զուրաբյանը։
Նա հավելեց, որ կատարված փոփոխություններից որևէ լուրջ ակնկալիք չունի։
