Այսօր Գարո Արմենը շարունակում է իր գործունեությունը։ Լոռու մարզում նա հիմնելու է ՍՄԱՐԹ կենտրոն, որն իրականացնելու է բազմապրոֆիլ ծրագրեր։ Կենտրոնում գործելու է էլեկտրոնային գրադարան, ընթանալու են ձեռներեցության դասընթացներ, շրջակա միջավայրին ու սոցիալ-տնտեսական ոլորտին առնչվող ծրագրեր։ Նպատակ կա այն դարձնել գիտելիքի փոխանակման էպիկենտրոն։ Իսկ առաջնային նպատակներն են` գիտելիքի հոսքը ապահովել գերժամանակակից տեխնոլոգիական լուծումների շնորհիվ։
Հիմնադրամը նախատեսում է կրկնօրինակել ՍՄԱՐԹ մոդելը Հայաստանի տարբեր մարզերում։ Գյուղացիները հաղորդակցության և գիտելիքի փոխանակման հնարավորություն կունենան ինչպես իրենց համայնքի անդամների, այնպես էլ միջազգային փորձագետների հետ։
Այս պահին ընտրված տեղանքում իրականացվում են շինարարական աշխատանքներ։
Sputnik Արմենիան տեղեկացավ նաև, որ ծրագրի շնորհիվ արտագնա աշխատանքի մեկնած բազմաթիվ լոռեցիներ վերադարձել են ծննդավայր։
