ԵՐԵՎԱՆ, 4 հոկտեմբերի — Sputnik. Համապատասխան որոշման, մասնավորապես, ասվում է.
«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝ Ալեքսանդր Խաչատուրյանին նշանակել Հայաստանի Հանրապետության վարչապետի խորհրդական»:
Նշենք, որ Ալեքսանդր Խաչատուրյանը ֆինանսական և կորպորատիվ իրավունքի մասնագետ է: Նա ԹիՔեյ Էքուիթի Փարթներս առաջատար իրավաբանական խորհրդատվական գրասենյակի կառավարող գործընկերն է: Մինչ այդ եղել է «Կապիտալ Ասեթ Մենեջմենթ» փակ բաժնետիրական ընկերության և Կորպորատիվ Կառավարման Կենտրոնի իրավախորհրդատուն: Ալեքսանդր Խաչատուրյանն ունի Հայաստանում գործունեություն իրականացնող մի շարք խոշոր միջազգային և տեղական ներդրողների սպասարկման փորձ և ներգրավված է եղել Հայաստանի ֆինանսական և ներդրումային ոլորտի մի շարք ինովացիոն գործարքներում:
Ալեքսանդր Խաչատուրյանը Բոստոնի Համալսարանի Իրավաբանական Դպրոցի շրջանավարտ է, որտեղից ստացել է ֆինանսական և բանկային իրավունքի մագիստրոսի կոչում:
Արժանացել է Դենիս Արոնովիտցի անվան ակադեմիական ոլորտում գերազանցության մրցանակի: Առաջին բարձրագույն կրթությունը ստացել է Հայաստանում Ֆրանսիական Համալսարանում, ավարտել է համալսարանի իրավաբանական ֆակուլտետը:
Ալեքսանդր Խաչատուրյանը Հայաստանում Ֆրանսիական Համալսարանի դասախոս է:
