Ազգային պարը վարակեց անցորդներին

«Ակն» ավանդական պարի խումբը և «Խարույկ» արշավական ակումբն իրենց համատեղ գործունեության մեկ տարին նշում են հայ երիտասարդներին ազգային պարեր սովորեցնելով: Սկզբում` Ծաղկաձորի պար, հետո` փափուռի, քոչարի ու յարխուշտա: «Ակն» ավանդական պարի խմբի ղեկավար Անի Գինոսյանը ներկայացրեց միջոցառման բուն նպատակը:

«Ուզում ենք հայերին սովորեցնել հայ ազգային պարերը, մասնակից դարձնել հայրենանվեր գործին: Իրականում, կազմակերպված միջոցառումն առաջին հերթին մեզ համար է, նշում նք մեր գործակցության մեկ տարին, սակայն միջոցառման բաղադրիչ մաս է կազմում նաև երիտասարդներին պարել սովորեցնելը: Երբ մոտենաք, կտեսնեք, թե ինչքան հետաքրքրվողներ կան»,- ասաց Գինոսյանը: