ԵՐԵՎԱՆ, 4 հոկտեմբերի — Sputnik. ԱԺ-ն Հարկային օրենսգիրքն ընդունեց 78 կողմ, 19 դեմ և 0 ձեռնպահ ձայների հարաբերակցությամբ:
Քվեարկությունից առաջ ԱԺ պատգամավոր, նախկին վարչապետ Հրանտ Բագրատյանը հայտարարեց, թե նոր օրենսգիրքը չի համապատասխանում ՀՀ տնտեսության զարգացման պահանջներին, քանի որ այս նախագծում հակասահմանադրական դրույթներ կան:
Անկախ պատգամավոր Էդմոն Մարուքյանն էլ հայտարարեց, որ դեմ է քվեարկելու նախագծին, քանի որ «տասը էջանոց առաջարկությունների մեծ մասը մերժվել է»:
Ըստ ԲՀԿ խմբակցության պատգամավոր Միքայել Մելքումյանի՝ այս նախագիծը «նահանջ է փոքր ու միջին բիզնեսի համար»: Նա հայտարարեց, որ ԲՀԿ կուսակցական պատգամավորները չեն մասնակցի քվեարկությանը:
