ԵՐԵՎԱՆ, 3 հոկտեմբերի — Sputnik. Հայաստանի հանրապետական կուսակցությունը վստահ էր իր ուժերին և հաղթական ելք էր ակնկալում Վանաձոր և Գյումրի քաղաքներում տեղի ունեցած ավագանու խորհրդի ընտրություններում, ասաց ՀՀԿ քարտուղար, Հայաստանի ԱԺ փոխխոսնակ Էդուարդ Շարմազանովը։
Նրա խոսքով, տեղական ինքնակառավարման մարմինների ընտրությունները ժողովրդավարական և մրցակցային են եղել ու ցույց տվել, որ կառավարման խորհրդարանական ձևին անցնելն ընթանում է նորմալ հունով։
«2016թ-ի ընտրությունները ցույց են տվել, որ Հայաստանում մրցակցային ընտրություններն այլընտրանք չունեն։ Այդ ընտրությունները ժողովրդավարական էին, իսկ ամենակարևորը` ընթանում էր գաղափարների և ծրագրերի պայքար»,- ասաց Շարմազանովը։
Ըստ նրա գնահատականի, ՏԻՄ ընտրությունները ցույց տվեցին, որ ՀՀԿ-ը շարունակում է մնալ Հայաստանի ամենաազդեցիկ կուսակցությունը։
Կիրակի օրը Գեղարքունիքի, Լոռու, Կոտայքի, Շիրակի, Սյունիքի և Վայոց Ձորի մազրերում տեղի ունեցան ՏԻՄ ընտրություններ։ Նախնական տվյալներով, Հայաստանի խոշոր քաղաքներում` Գյումրիում և Վանաձորում, իշխում է Հայաստանի Հանրապետական կուսակցությունը։ Առաջին անգամ այդ քաղաքներում տեղական ինքնակառավարման մարմինները ձևավորվում են համամասնական ընտրության սկզբունքով։
