ԵՐԵՎԱՆ, 3 հոկտեմբերի — Sputnik. ՀՀ կրթության և գիտության նախարար Լևոն Մկրտչյանի գլխավորած պատվիրակությունը հոկտեմբերի 3-4-ը Մոսկվայում կմասնակցի ԱՊՀ ուսուցիչների և կրթության ոլորտի աշխատողների 4-րդ համագումարին, հայտնում են ԿԳՆ մամուլի ծառայությունից։
Համագումարի ժամանակ, որին ներկա են լինելու անդամ պետությունների կրթության ոլորտի ղեկավարները, նախատեսվում է ԱՊՀ կրթության նախարարների խորհրդի նիստ, որտեղ ՀՀ ԿԳ նախարարը հանդես կգա ելույթով:
Նախատեսվում է նաև Անկախ պետությունների համագործակցության կրթական ձեռքբերումների ցուցահանդես, ուսուցիչների և կրթության ոլորտի աշխատողների պարգևատրում:
Համագումարն անցկացվում է «Նորարարությունները ժամանակակից կրթական միջավայրի որակի ու մատչելիության բարելավման գործոն ԱՊՀ անդամ պետություններում» խորագրի ներքո: Համագումարի կազմակերպիչը ՌԴ կրթության և գիտության նախարարությունն է:
