ԵՐԵՎԱՆ, 3 հոկտեմբերի — Sputnik, Արմենուհի Մխոյան. Ընտրական գործընթացը կանոնակարգող թիվ 34 ընտրատարածքային ընտրական հանձնաժողովը (ԸԸՀ) որոշ ընտրատեղամասերում քվեաթերթիկների վերահաշվարկի մասին պահանջ է ստացել:
Հետաքրքիրն այն է, որ ամենաշատ՝ թվով 10 տեղամասում վերահաշվարկ կատարելու մասին ԸԸՀ-ին դիմել է ընտրություններին ամենաշատ ձայներ հավաքած «Բալասանյան» դաշինքը: Թիվ 34 ԸԸՀ-ն վերահաշվարկի մասին պահանջներ ստացել է նաև ԲՀԿ-ից՝ 6 ընտրատեղամասում, «Համախմբում» կուսակցությունից՝ 4 ընտրատեղամասում: Քվեների վերահաշվարկի մասին դիմում ներկայացրել է նաև ՀԱԿ-ը, ինչպես նաև` «Իրազեկ քաղաքացիների միավորում» հասարակական կազմակերպությունը՝ 10 ընտրատեղամասում:
Վերահաշվարկը քաղաքական ուժերի և հասարակական կազմակերպության կողմից նշված տեղամասերում կսկսվի հոկտեմբերի 4-ից:
