ԵՐԵՎԱՆ, 2 հոկտեմբերի — Sputnik. Գրոսմայստեր Լևոն Արոնյանը ոչ-ոքի խաղաց ռուս Վլադիմիր Կրամնիկի հետ Մոսկվայում անցկացվող Տալի հուշամրցաշարի հինգերորդ տուրում։
Պարտիան, որի ժամանակ Արոնյանը սպիտակներով էր խաղում, ավարտվեց 83-րդ քայլին: Ոչ-ոքի արձանագրվեց ևս երեք պարտիաների ժամանակ` Անիշ Գիրի (Նիդեռլանդներ) — Յան Նեպոմնյաշչի (Ռուսաստան), Լի Չաո (Չինաստան) — Եվգենի Տոմաշևսկի (Ռուսաստան) և Շահրիյար Մամեդյարով (Ադրբեջան) — Պյոտր Սվիդլեր (Ռուսաստան): Հնդիկ Վիշվանաթան Անանդը հաղթանակ տարավ իսրայելցի Գելֆանդի նկատմամբ, հայտնում է Ռ-Սպորտը:
Հինգ տուրից հետո առաջատարն է Գիրին 4 միավորով, Նեպոմնյաշչին 3.5 միավոր վաստակեց, Լի Չաոն և Անանդն ունեն 3-ական միավոր, Մամեդյարովը, Արոնյանը և Կրամնիկը` 2.5-ական, Սվիդլերը` 2, Տոմաշևսկին` 1.5 և Գելֆանդը` 0.5 միավոր:
Տալի հուշամրցաշարը կտևի մինչև հոկտեմբերի 6-ը:
