Անկախ այսպիսի խոստումներից, Վրաստանում շարունակում է գործել Հայաստանի քաղաքացիների 8 հոգանոց «սև ցուցակը», այսինքն այն մարդիկ, որոնց մուտքը Վրաստան արգելվում է անցանկալի լինելու պատրվակով: Նրանք են` Շիրակ Թորոսյանը, Ստեփան Մարգարյանը, Հովհաննես Այվազյանը, Սամվել Կարապետյանը, պատմաբան Վահե Սարգսյանը, «Երկիր» միության նախագահ Սևակ Արծրունին: Sputnik Արմենիան թեմայի շուրջ զրուցել է ՀՀ ԱԺ պատգամավոր, «Ջավախք» հայրենակցական միության նախագահ Շիրակ Թորոսյանի հետ:
Պատգամավորի խոսքով` Վրաստան մուտք գործելու արգելքի խնդիրն առաջացել է 2009 թվականի ամռանը, առաջին դեպքն արձանագրվել է հենց այդ թվականին, երբ իրեն արգելել են մտնել Վրաստան։ 2009-ից հետո այդ ցուցակը բավականին ընդարձակվել է, և այժմ, բացի Շիրակ Թորոյանից, ևս մի քանի հոգի չեն կարող մուտք գործել Վրաստան։
«Այդ երևույթը և աճի ցուցանիշը մտահոգիչ եմ համարում և կարծում եմ, որ Վրաստանի իշխանությունը խնդրին լուծում կտա։ Եթե այսօրվա գործող իշխանություններին հաջողվի նորից կազմել կառավարություն, կարծում եմ, որ նրանք կվերանայեն այս հարցը»,- ասաց Թորոսյանը։
