Ըստ ոստիկանության՝ սա արվում է Ճանապարհային երթևեկության անվտանգության ապահովման ոլորտի օրենսդրության խախտումների հայտնաբերման ընթացքում քաղաքացիների մասնավոր կյանքի անձեռնմխելիության իրավունքը երաշխավորելու, ինչպես և ոստիկանության ծառայողների գործունեության օրինականության նկատմամբ պատշաճ հսկողություն ապահովելու նպատակով:
Վարորդների իրավունքների պաշտպանությամբ զբաղվող «Աքիլլես» կազմակերպության նախագահ Էդուարդ Հովհաննիսյանն էլ Sputnik Արմենիայի հետ զրույցում նշում է, որ այս քայլը կնվազեցնի կոռուպցիան, սակայն կա մի խնդիր` հայկական մենթալիտետը։
«Ճանապարհային ոստիկանության նախաձեռնությունն արդյունք կտա այն ժամանակ, երբ կոռուպցիայի դեմ պայքարին կիմանա վարորդը։ Եթե վարորդը շահագրգռված է, որ կաշառք տա տեսուչին, որպեսզի նա տուգանք չգրի, ապա պայքարի անունը պայքար կլինի, իսկ իրականում գործնական քայլեր են պետք»,- ասում է Հովհաննիսյանը` միաժամանակ նշելով, որ, իհարկե կան նաև վարորդներ, որոնք սկզբունքային են և երբեք կաշառք չեն տալիս։
