ԵՐԵՎԱՆ, 29 սեպտեմբերի- Sputnik. Առողջապահության նորանշանակ նախարարը վստահ է, որ միլիոնատեր է Մոսկվայի ցանկացած բնակիչ։ Բավական է միայն վաճառել իր ունեցած բնակարանն ու դառնալ միլիոնատեր։ Դրանից բացի, միլիոնատեր լինելու հարցում նրան օգնում է իր հիմնական գործն ապահովագրական ոլորտում։
«Բժշկական գործունեությամբ զբաղվել եմ մոտ քսան տարի։ Բժիշկներին հարցրեք` հնարավո՞ր է բժշկական գործունեությամբ զբաղվելով միլիոնատեր դառնալ: «Ինգո Արմենիա»-ով է պայմանավորված»,-ասաց նա` շեշտելով, որ այս հարցին ինքը կարող էր և չպատասխանել։
Ինչ վերաբերում է ոլորտի բարեփոխումներին, Ալթունյանը պրագմատիկ պատասխան տվեց։
«Մենք ունենք տրված գումար, որը հատկացված է առողջապահությանը, այդ գումարի սահմանում պետք է բարձրացնեմ արդյունավետությունը»,-ասաց նախարարը։
Լևոն Ալթունյանն առաջարկեց հանդիպել 30 օրից։ Միայն այդ ժամանակ կկարողանա հստակ պատասխանել բոլոր հարցերին։
Իսկ այսօր նախարարի անելիքը շրջայցն է նախարարության ստորաբաժանումներով` առկա խնդիրների «առաջին բուժօգնությունը» կազմակերպելու համար։
