ԵՐԵՎԱՆ, 27 սեպտեմբերի — Sputnik. Ռուսաստանի արտաքին և պաշտպանության քաղաքականության հարցերով խորհրդի նախագահության նախագահ, «Ռուսաստանը գլոբալ քաղաքականության մեջ» ամսագրի գլխավոր խմբագիր Ֆյոդոր Լուկյանովը Sputnik Արմենիայիհետ զրույցում ներկայացրեց իր կարծիքն այն մասին, թե Հայաստանում «Իսկանդերի» առկայությունն ինչպես կազդի Հարավային Կովկասում ռազմաքաղաքական իրադրության վրա։
Փորձագետի խոսքով, Հայաստանը վստահություն է վայելել «Իսկանդեր» համալիր ստանալու համար` ելնելով ամուր դաշնակացային հարաբերություններից։
Ռուսաստանի քաղաքականությունն ուղղված է Հարավային Կովկասում հակամարտության պոտենցիալ կողմերի միջև հավասարակշռություն պահպանելուն։
Ադրբեջանի հետ կոմերցիոն նպատակով Ռուսաստանի ռազմատեխնիկական համագործակցության ֆոնին հզոր հրթիռային համալիրներն արտոնյալ պայմաններում Հայաստանին տրամադրելը բացառում է տարածաշրջանում լայնամասշտաբ մարտական գործողություններ վերսկսելու հավանականությունը, համոզված է Լուկյանովը։
